EDICIÓNS

SALA SAL é o nome da primeira galería de arte da cidade da Coruña especializada exclusivamente no campo da fotografia.

A idea xorde da intención de crear un novo recinto expositivo diferenciado da vella galería desde o que promover a intervención no propio espazo e alimentar a creación dunha mostra específica e inédita concebida ex profeso para a SALA SAL, próxima ao público e fomentando o acceso popular ao mercado artístico.

De cada exposición haberá unha copia impresa en papel Fine Art de edición limitada e numerada que se porá á venda ao prezo simbólico e popular de 50€, cantidade que terá por obxectivo o financiamento da impresión e da montaxe, e a través do cal os compradores figurarán como mecenas da SALA SAL converténdose así en parte activa e fundamental deste proxecto.

As copias das edicións conformarán unha antoloxía de autores denominada “COLECCIÓN SAL” na que as persoas compradoras de edicións anteriores terán preferência á hora de reservar sendo, ademáis, avisadas con antelación á montaxe.

Para adquirir calquer delas ou convertirte en membro da lista SAL podes contactar coa SALASAL en info@salasal.net

Nova concepción e popularización do mercado da arte, aproximación da fotografía á cidadanía, conxunción de artistas consagrados e emerxentes, adaptación da obra ao espazo, autoxestión e autofinanciamento, todo isto e moito máis é xa a SALA SAL.